Аҳли суннат вал жамоат

Савол: Ягона тўғри йўл фақат аҳли суннат вал жамоат фирқасими?

Жавоб: Ҳа, фақат аҳли суннат вал жамоат фирқасидир. Бир ҳадиси шарифда “Умматим 73 фирқага ажралади. Булардан 72 таси Жаҳаннамга кетади, фақат бир фирқа қутулади. Жаҳаннамдан қутуладиган ушбу фирқа менинг ва Асҳобимнинг йўлида бўлганлардир” деб марҳамат қилинган. (Тирмизий, Ибни Можа)

Аҳли суннат вал жамоат суннат ва жамоат аҳли деганидир. Асҳоби киром - муҳтарам Пайғамбар жамоатларидир. Суннат - Пайғамбаримизнинг йўли демакдир.

Батафсил

Аҳли қибла ва аҳли суннат бўлиш учун

Савол: Бирон гуноҳ қилган мусулмонга кофир дейиладими? Уларга лаънат этиладими?

Жавоб: Гуноҳ қилган мусулмонга кофир дейилмайди. Чунки аҳли суннат эътиқодига кўра, бир мусулмон гуноҳ қилиш билан кофир бўлмайди. Баъзи бидъат фирқалари гуноҳ қилганларга ва уларнинг фикрларига қўшилмаганларга кофир дейишади. Ҳадиси шарифда “Мўминга кофир деганнинг ўзи кофир бўлади” дейилди. (Бухорий)

Батафсил

Тўрт мазҳабдан бирига тобе бўлиш

Савол: “Мазҳаб имомига тобе бўлиш - Аллоҳни ва Расулини қўйиб, қулга қул бўлиш демакдир. Кейинги мусулмонлар мужтаҳидларни худди пайғамбарлардек бошларига кўтариб олишди. Етмагандек, Қуръон йўлидан ажралиб “Мужтаҳиднинг сўзи турганда Қуръон билан амал қилинмайди” дейишди. Улар кейин келган олимларга лоқайд муносабатда бўлишди. Ҳолбуки кейин келган олимлар аввалгилардан анча билимли ва кучли  бўлади. Масалан Имом Молик бир мазҳабни билса, Абдуҳ ҳамма мазҳабни билади” дейдиганларга қандай жавоб бериш керак?

Жавоб: “Мужтаҳидларни пайғамбарлардек бошига кўтаришди” деган гап бир мусулмоннинг оғзидан чиқиши мумкин эмас. Чунки бу сўз тўрт мазҳабдаги миллионларча мусулмонларга кофир тамғасини босиш билан тенг. Мусулмонга кофир деган кимсанинг ўзи кофир бўлади. Бир мазҳабга тобе бўлган мусулмонни "Қуръон йўлидан ажралиш" билан айблаш ундан ҳам катта туҳмат.

Батафсил

Қусуф ва хусуф намозлари

Савол: Қусуф ва хусуф намозлари қайси ва қандай ўқилади?

Жавоб: Бу икки намоз нофила намоздир. Қусуф намози қуёш тутилганда, хусуф намози эса ой тутилганда ўқилади.

Қусуф намози:

Қуёш тутилган пайтда жума намозини ўқитадиган имом азонсиз ва иқоматсиз камида икки ракат намоз ўқитади. Қироатни овоз чиқариб ёки чиқармасдан ўқийди.

Батафсил

Субҳа намози

Таҳорат олгандан кейин ўқиладиган икки ракат намозга “Субҳа намози” дейилади. Уни макруҳ вақтлардан ташқари ҳамма пайт ўқиш мумкин. Таҳорат олгандан ёки ғуслдан кейин субҳа намозини ўқимоқчи бўлган одам субҳа намози билан бирга қазо намозига ҳам ният қилса, қазосини ўташ билан бирга субҳа намози савобига ҳам эришади.

Ҳадиси шарифда марҳамат қилиндики:

“Яхшилаб таҳорат олиб, васвасасиз икки ракат намоз ўқиган кишининг гуноҳлари авф этилади.”(Бухорий)

Батафсил

Абҳар намози

Абҳар намози 4 ракатлик нофила намоздир. Иккинчи ракатдан кейин ташаҳҳудда ўтирганида аттаҳиётудан кейин солли-борик ҳам ўқилади. Ҳар ракатда бир фотиҳа, 10 марта Қадр сураси ўқилади. Рукуга кетишдан аввал 15 марта “Субҳоналлоҳи валҳамдулиллоҳи ва ло илоҳа иллаллоҳу валлоҳу акбар” тасбиҳи айтилади, сўнгра рукуга бориб, 3 марта “Субҳона роббиял азым” дегандан кейин яна 3 марта юқоридаги тасбиҳ айтилади. Кейин қавмада, яъни қаддини ростлаб яна шу тасбиҳ уч марта ўқилади.

Батафсил