Зулҳижжа ойининг фазилати
Қурбон байрами бўладиган ойга зулҳижжа дейилади. Жорий йил, яъни 2024 йил 7 июндан бошланади. Зулҳижжа ойининг илк ўн кунида қилинган ибодатлар жуда қийматлидир. Ҳадиси шарифларда қуйидагича марҳамат қилинди:
“Зулҳижжа ойининг илк кунларида тутилган рўза бир йил рўза тутишга тенг. Унинг бир кечасини иҳё этиш (ибодат била ўтказиш) Қадр кечасини иҳё этиш билан тенг.” (Ибни Можа)
“Зулҳижжа ойининг илк ўн кечасида қилинган ибодатлар учун 700 марта кўп савоб берилади.” (Байҳақий)
Шаввол ойида рўза тутиш
Савол: Рамазондан кейин Шаввол ойида рўза тутишнинг қандай фойдаси бор?
Жавоб: Рўзани қачон тутса ҳам савоби катта. Ҳадиси шарифда “Рўза Жаҳаннам оташидан сақлайдиган бир қалқондир” деб марҳамат қилинган. (Бухорий)
Шаввол ойида тутилган рўзанинг савоби жуда катта. Қуйидаги ҳадиси шарифларда шундай марҳамат қилинган:
“Рамазондан кейин Шаввол ойида ҳам 6 кун рўза тутган киши онасидан туғилган кундагидек гуноҳсиз бўлади.” (Табароний)
“Рамазон рўзаси билан Шавволда ҳам 6 кун рўза тутган киши бир йил рўза тутган бўлиб ҳисобланади.” (Ибни Можа)
2013 (ҳижрий 1434/1435) йилги қийматли кунлар ва кечалар
|
Григориан: 2013 | Ҳижрий: 1434-1435 |
|||
|
Қийматли кунлар |
Ҳижрий тақвим бўйича сана (1434-1435) |
Григориан тақвим бўйича сана (2013) |
Ҳафта кунлари |
|
Мавлуд куни |
11/12 Робиул-аввал (1434) |
23/24 январь(2013) |
Чоршанба/пайшанба |
|
Уч ойларнинг бошланиши |
1 Ражаб (1434) |
11 май (2013) |
Шанба |
|
Рағоиб кечаси |
6/7 Ражаб (1434) |
16/17 май (2013) |
Пайшанба/жума |
|
Меърож кечаси |
26/27 Ражаб (1434) |
5/6 июнь (2013) |
Чоршанба/пайшанба |
|
Барот кечаси |
14/15 Шабон (1434) |
23/24 июнь (2013) |
Якшанба/душанба |
|
Рамазон ойи |
1 Рамазон (1434) |
9 июль (2013) |
Сешанба |
|
Қадр кечаси |
26/27 Рамазон (1434) |
3/4 август (2013) |
Шанба/якшанба |
|
Рамазон ҳайитининг 1-кечаси |
30 Рамазон/1Шаввол (1434) |
7/8 август (2013) |
Чоршанба/пайшанба |
|
Рамазон ҳайитининг 1-куни |
1 Шаввол (1434) |
8 август (2013) |
Пайшанба |
|
Рамазон ҳайитининг 2-куни |
2 Шаввол (1434) |
9 август (2013) |
Жума |
|
Рамазон ҳайитининг 3-куни |
3 Шаввол (1434) |
10 август (2013) |
Шанба |
|
Тарвия куни |
8 Зул-ҳижжа (1434) |
13 октябрь (2013) |
Якшанба |
|
Арафа куни |
9 Зул-ҳижжа (1434) |
14 октябрь (2013) |
Душанба |
|
Арафа кечаси |
9/10 Зул-ҳижжа (1434) |
14/15 октябрь (2013) |
Душанба/сешанба |
|
Қурбон ҳайитининг 1-куни |
10 Зул-ҳижжа (1434) |
15 октябрь (2013) |
Сешанба |
|
Қурбон ҳайитининг 2-куни |
11 Зул-ҳижжа (1434) |
16 октябрь (2013) |
Чоршанба |
|
Қурбон ҳайитининг 3-куни |
12 Зул-ҳижжа (1434) |
17 октябрь (2013) |
Пайшанба |
|
Қурбон ҳайитининг 4-куни |
13 Зул-ҳижжа (1434) |
18 октябрь (2013) |
Жума |
|
Муҳаррам (ҳижрий янги йил) кечаси |
29 Зул-ҳижжа/1 Муҳаррам (1434-1435) |
3/4 ноябрь (2013) |
Якшанба/душанба |
|
Ҳижрий янги йил куни |
1 Муҳаррам (1435) |
4 ноябрь (2013) |
Душанба |
|
Ошуро кечаси |
9/10 Муҳаррам (1435) |
12/13 ноябрь (2013) |
Сешанба/чоршанба |
|
Ошуро куни |
10 Муҳаррам (1435) |
13 ноябрь (2013) |
Чоршанба |
Эслатма:
* Тарвия куни – Зул-ҳижжа ойининг 8-куни.Ушбу кун ҳожилар Маккадан Минога чиқадилар. Ҳадиси шарифда қуйидагича марҳамат қилинган:
“Бир мусулмон тарвия куни рўза тутса ва гуноҳ сўзларни сўзламаса, Аллоҳу таоло уни албатта Жаннатга киритади.”
Бу куннинг “тарвия” деб аталишига сабаб ҳожилар шу куни Замзам сувидан тўйиб ичишларидир.
* Қийматли кечаларга ўзидан кейин келадиган қийматли кунларнинг номи берилади. Бир кун аввалги пешин намози вақтидан шу туннинг имсок вақтигача бўлган муддатдир.
* Арафа ва қурбон байрамининг кечалари бундай эмас. Уларнинг кунлари кечаларидан аввал келади. Арафа куни Зул-ҳижжанинг 9-кунидир. Бошқа кунларга Арафа деб айтилмайди. Қурбон ҳайитнинг кечалари – қурбон ҳайитининг биринчи, иккинчи ва учинчи кунларидан кейинги кечалардир. Бу уч кунга “Аййоми нахр” деб ҳам айтилади.
* Булардан ташқари Ражаб ойининг кечалари, Рамазон ҳайитининг кечалари, Зул-ҳижжа ойининг дастлабки ўн кечаси, Муҳаррам ойининг дастлабки ўн кечаси, жума ва душанбага ўтар кечалар қийматли кечаларга киради.
* Бу кечаларга эътиборсиз қарамаслик керак. Бу кечалари қазо намозларни ўқиш, Қуръони карим қироат қилиш, дуо ва тавба қилиш керак. Садақа бериб мусулмонларни қувонтириш, бундан ҳосил бўлган савобларни вафот этиб кетган мусулмонларга ҳам бағишлаш лозим. Бу қийматли кечаларга ҳурмат кўрсатиш керак. Ҳурмат кўрсатиш эса гуноҳ ишламаслик билан бўлади.
Ҳижрий ойларни аниқлаш
Савол: Муборак кечалар яқинлашганда “Янги ой (ҳилол) бугун кўринмади, ҳайит ёки муборак кеча бугун эмас, эртага” дейдиган кишилар кўп учрамоқда. Бу йил Қурбон байрамини шанба куни деб Зул-қаъда ойини 32 кунга етказганлар ҳам бўлди. Ҳижрий ойлар билан муборак кечаларни бир-икки кун кейинга суриш, кунини ўзгартириш тўғрими?
Жавоб: Албатта нотўғри. Ер юзининг қаерида бўлмасин, Рамазон ҳилоли кўринганида дунёнинг барча минтақаларида рўза бошланади. Лекин ҳаж, қурбон байрами ва намоз вақтлари бундай эмас. Буларда бир жойда вақти кириши билан бошқа жойларда ҳам вақти кирган бўлиши шарт эмас. (Ислом ахлоқи)
Ражаб ойининг фазилатлари
Тўрт қийматли ойдан бири. Бир ояти каримада маолан “Аллоҳ кўкларни ва ерни яратган кундан бери ойларнинг сони ўн иккитадир. Улардан тўрттаси ҳаром (ҳурматли) бўлган ойлардир” деб буюрилган. (Тавба, 36)
Расулуллоҳ жанобимиз Ражаб ойига катта эътибор қаратар ва “Ё Рабби, Ражаб ва Шаъбон ойларини бизларга муборак қил ва бизни Рамазонга етиштир” деб дуо қилардилар.
Ҳадиси шарифларда марҳамат қилиндики:
“Ҳаром ойлар Ражаб, Зилқада, Зилҳижжа ва Муҳаррамдир.” (Ибн Жарир)
